Félix Lobo

Félix Manuel Jiménez Lobo naskiĝis en Madrido, Hispanio, en 1969. Li studis Biologion, Kulturan Antropologion kaj Interlingvistikon. Li eklaboris kiel naturmedia teknikisto kaj en la jaro 1998 komencis lian intereson pri la “tria sektoro”, unue kiel voluntulo en asocio por disvolviĝa kunlaboro en Afriko (Ekvatora Gvineo) kaj poste kiel profesia administranto en iu labor-kooperativo en kiu nuntempe li estas laborpartnero.

Li spertas pri Korporacia Sociala Respondeco kaj Socialaj Bilancoj kaj estas sociala konsilanto de Coop57 (financa kooperativo) kaj Mercado Social de Madrid (Madrida Sociala Merkato). Li agadis ĉe la sociala movado “15-M” (indignula movado) en la asembleo de lia rezidad-kvartalo ĝis 2015.

Rilate al E-o, li esperantiĝis en 1997 kaj inter 2008 kaj 2016 estis Sekretario de la Hispana Esperanto Federacio. Li prelegis pri sociala kaj solidara ekonomio en diversaj Esperanto-kongresoj. En 2011 li trapasis la KER-ekzamenon de ELTE-ITK/UEA, nivelo C1 kaj inter 2014-2017 li studis Interlingvistikon kaj Esperantologion en la Universitato Adam Mickiewicz de Poznano kaj partoprenis en la Trian Interlingvistikan Simpozion kiel preleganto. Dum la kurso 2018-2019 li estis neprezenca instruisto pri esperanto (nivelo A2) en la UNED, Hispanio.