Flago de Sauda Arabio

La flago de Sauda Arabio (arabe: علم المملكة العربية السعودية) estas uzita de la registaro de Saud-Arabio ekde la 15-a de marto 1973. Ĝi estas verda flago havanta en blanka koloro araban surskribon kaj glavon. La skribo sur la flago estas en la Thuluth-kaligrafio. Ĝi estas la ŝahado aŭ islama deklaracio de kredo: "Ne ekzistas dio krom Alaho kaj Mohamedo estas la mesaĝisto de Alaho". La glavo simbolas justecon.

Flago-de-Sauda Arabio.svg

Verdaj flagoj portantaj tiun aŭ aliajn arabajn skribaĵojn videblas ofte en Islamo kaj ne devus esti konfuzitaj kun la saud-arabia nacia flago. Tiuj aliaj flagoj kutime ne portas la glavosimbolon.