Flavbeka sito

Flavbeka sito, Sitta solangiae, estas eta paseroforma birdo. Ĝi apartenas al sita genro. Simile kiel aliaj membroj de sitedoj (krom roka sito kaj persia sito) ĝi loĝas en arbaraj aŭ arbar-similaj teritorioj.

Kiel legi la taksonomion Flavbeka sito
Flavbeka sito
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Sitedoj Sittidae Genro: Sitta Specio: S. solangiae
Dunomo
Sitta solangiae (Delacour, 1930)
Konserva statuso
Konserva statuso: Preskaŭ minacata
Aliaj Vikimediaj projektoj

Aspekto

Ĝi estas 12.5 al 13.5 cm longa birdo, kun blankecaj subaj partoj ĉefe ĉe gorĝo, bluecaj supraj partoj kaj nigraj markoj en frunto kaj traokula strio kiu kontrastas kun flava iriso, do estas simila al la proksima parenco nome Velurfrunta sito, sed sen tiom blueca dorso (flugiloj) kaj kun flava beko anstataŭ ruĝa, kio nomigas la specion.

Disvastiĝo

Vjetnamo, Laoso kaj Hainan, Ĉinio. Ties natura habitato estas subtropikaj aŭ tropikaj humidaj arbaroj de malaltaj teroj kaj subtropikaj aŭ tropikaj humidaj montarbaroj. Ĝi estas minacata pro perdo de habitato.

Nutrado

Ili manĝas ĉefe insektojn.

Vivmaniero

Ili ne estas gregemaj.

Reproduktado

Ili nestumas en arbotruoj.

Libroj

• Tits, Nuthatches and Treecreepers, Harrap and Quinn, (angle) ISBN 0-7136-3964-4
• The Nuthatches, Erik Matthysen, Academic Presss 1998, (angle) ISBN 0-85661-101-8