Kriptofito

(Alidirektita el Geofito)

Kriptofito ( vorte: 'kaŝplanto' ) estas termino por indiki tiujn plantojn, kies rekreskaj burĝonoj restas sub la tero aŭ sub la akvo. Tiele la planto estas protektita dum la malfavoraj sezonoj kun granda malvarmo aŭ trosekeco. Alia nomo estas geofito.

Radika sistemo de helofito ( Phragmites australis ).

Tiuj burĝonoj situas aŭ sub la surfaco de la grundo kiel rizomo, bulbo, bulbotubero, k.t.p., aŭ kiel subakvigitaj rekreskaj burĝonoj. Kriptofitoj estas sudividitaj en 3 grupojn :

Geofitoj aŭ terplantoj
Restas en seka grundo, ekzemple krokuso, tulipo. Eblas fari pliajn subdividojn en rizomajn, tigotuberajn, radikotuberajn, bulbajn kaj radikajn geofitojn.
Helofitoj aŭ marĉplantoj
restas en marĉa grundo, ekzemple tifao, fragmito.
Hidrofitoj aŭ akvoplantoj
restas subakvaj, ekzemple nimfeacoj, kanada elodeo.

Vidu ankaŭRedakti