Grandtensia ŝaltilo

Grandtensia ŝaltilo estas aparto uzata en elektraj cirkvitoj kun granda tensio por ŝalti kaj malŝalti la cirkviton, ankaŭ en okazo de kurta cirkvito. Grandtensia ŝaltilo havas moveblajn kontaktilojn, kiuj ŝaltas kaj malŝaltas la cirkviton, kaj aparaton por regi la kontaktojn. La regilo kutime havas elektromagnetan kontaktoron.

Grandtensia ŝaltilo (110 kV), por tri cirkvitoj (tri fazoj), malŝaltita, buntaj bastonoj kurtcirkvitas bornojn de la konsumanto de energio al tero

Grandtensia ŝaltilo, por unu cirkvito, ŝaltita

La ĉefaj parametroj de grandtensia ŝaltilo estas:

• tensio - nominala tensio de la reto, en kiu ĝi laboras;
• kurento, kiu tra la ŝaltilo fluas en neakcidentaj kondiĉoj por longa tempo;
• kurento de malŝalto - kurento, kiu tra la ŝaltilo fluas en akcidentaj kondiĉoj por mallonga tempo kiam ĝi malŝaltiĝas.
• periodo de malŝalto.

La ĉefa problemo en konstrukcio de la ŝaltiloj estas estingado de elektra arko dum malŝaltado. Depende de maniero de estingado de elektra arko, la ŝaltiloj estas:

• aeraj;
• vakuaj, en kiuj la kontaktiloj estas en vakuo;
• oleaj, en kiuj la kontaktiloj estas en oleo;
• stabilaj gasaj, en kiuj la kontaktiloj estas en elektre stabila gaso (ekz. SF₆).

Eksteraj ligiloj

• http://www.eeh.ee.ethz.ch/downloads/academics/courses/227-0122-00-handouts_2.pdf
• http://www.eeh.ee.ethz.ch/downloads/academics/courses/227-0122-00-sem0405_handouts_3.pdf

Grandtensia ŝaltilo (110 kV)

Grandtensia ŝaltilo (380 kV)