Heliornitedoj

La Heliornitedoj (Heliornithidae) estas birdofamilio en la ordo de la Gruoformaj (Gruiformes). Ĝi konsistas el tri genroj kun po unu specio.

Kiel legi la taksonomion Heliornitedoj
Heliopais personatus
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Gruoformaj Gruiformes Familio: Heliornithidae Gray, 1840
Genroj
Podiko (Podica) Heliopajto (Heliopais) Heliornito (Heliornis)
Aliaj Vikimediaj projektoj

Heliornis fulica
Podica senegalensis
Heliopais personatus

Nomo

La latina scienca nomo venas de la antikva greka ἥλιος = suno kaj ὄρνις = birdo. Do ĝi signifas: sunbirdoj.

Aspekto

Heliornitedoj estas birdoj kun longa korpo, longa kolo kaj mallongaj fortaj kruroj. La plumaro estas anassimila, la flugiloj pintaj kaj la vosto relative longa.

Habitato kaj vivmaniero

Heliornitedoj loĝas en marĉaj arbaroj, en lantaj riveroj, en arbaraj lagoj. Kvankam ili kapablas bone piediri, ili preferas naĝi. Kiam ili ekflugas, ili kiel fulikoj tretas la akvosurfacon. Ili vivas unuope kaj estas tre retiriĝemaj. Ofte oni rimarkas ilin nur pro ilia voĉo: basa murmurado aŭ bojado. Ilia nutraĵo estas ĉiuspecaj bestetoj kaj planteroj, kiujn ili serĉas naĝante kaj mergiĝante.

Generado

La neston ili konstruas en arboj aŭ arbustoj ĝis tri metrojn super la akvo. Ĝi entenas tri ĝis sep blanketaj, ruĝbrune aŭ malhelbrune makulitajn ovojn.

Disvastiĝo

Heliornitoj vivas de Meksiko ĝis Bolivio kaj Paragvajo, podikoj en tropikaj akvoj de Afriko, heliopajtoj en sudorienta Azio.

Genroj kaj specioj

• Podiko (Podica)
  • Senegala podiko (Podica senegalensis)
• Heliopajto (Heliopais)
  • Maska heliopajto (Heliopais personatus)
• Heliornito (Heliornis)
  • Fulika heliornito (Heliornis fulica)

Heliornis fulica

Podica senegalensis