Hornblendo

Hornblendo estas kompleksa serio de inosilikataj mineraloj (ferhornblendo – magnezihornblendo). Ĝi ne estas agnoskita kiel mineralo per si mem, sed la nomo estas uzata ĝenerale aŭ kiel kampotermino, por referenci al malhela amfibolo.

Hornblenda kristalo (malhelverda) ĉirkaŭ 35 mm longa, kun apatito (blanka).

La ĝenerala formulo povas esti prezentita kiel (Ca,Na)_2–3(Mg,Fe,Al)₅(Al,Si)₈O₂₂(OH,F)₂.

Komponvariaĵoj

Kelkaj metaloj varias en ekzisto kaj abundo:

• Mangano kaj titanio estas ofte.
• Natrio kaj kalio estas ofte kaj fluoro ofte anstataŭas la hidroksilon en la kristala strukturo.

Fizikaj proprecoj

Hornblendo havas durecon de 5–6, specifan graviton de 2.9–3.4 kaj estas tipe opaka verda, verdec-bruna, bruna aŭ nigra.