Internacia Tribunalo de Arbitracio
La Internacia Tribunalo de Arbitracio aŭ Internacia Arbitracia Tribunalo (angle International Court of Arbitration, aŭ formale ICC International Court of Arbitration) estas institucio por solvi internaciajn komercajn disputojn. La tribunalo funkcias sub la aŭspicioj de la Internacia Komerca Ĉambro (angla mallongigo ICC), kaj konsistas el pli ol 100 arbitraciantoj el ĉirkaŭ 90 landoj [1].
| Internacia Tribunalo de Arbitracio | ||
|---|---|---|
| Internacia arbitracio tribunalo de arbitracio 
| ||
| Komenco | 1923 vd | |
| Retejo | Oficiala retejo | |
Male al tio, kion ĝia nomo sugestas, la tribunalo ne eldonas formalajn verdiktojn. Anstataŭe, ĝi disponigas "juĝan inspektadon de arbitraciaj procedoj" [2].
La oficialaj laborlingvoj de la tribunalo estas la angla kaj la franca. Tamen, dosieroj povas esti administritaj en ajna lingvo. La ĉefsidejo de la tribunalo estas en Parizo, Francio.
Ĝis la 9-a de januaro 2020, la tribunalo registris 25,000 kazojn ekde sia establado. Ĝi konstatis rekordan nombron da kazoj registritaj en 2019, indiko de la klopodoj de la tribunalo por vastigi ĝiajn servojn en la lastaj jaroj [3].
Historio kaj fono
redaktiLa tribunalo estis fondita en 1923 sub la gvidado de la unua prezidanto de la ICC Étienne Clémentel, tiama franca ministro pri financo [4].
Membroj de la ICC-Tribunalo estas nomumitaj por trijara periodoj fare de la Monda Konsilio de la Internacia Komerca Ĉambro baze de la rekomendo de "naciaj komisionoj" aŭ grupoj de la Internacia Komerca Ĉambro. En jurisdikcioj kie ekzistas neniu nacia komisiono aŭ grupo, membroj estas rekomenditaj por nomumo fare de la Prezidanto de la Tribunalo. Alternaj membroj estas nomumitaj de la Monda Konsilio laŭ rekomendo de la Prezidanto de la Tribunalo.
Referencoj
redakti- ↑ International Court of Arbitration - Dispute Resolution Services - Organization - About ICC - ICC - International Chamber of Commerce. Alirita 17 January 2020.
- ↑ ICC International Court of Arbitration®.
- ↑ ICC celebrates case milestone, announces record figures for 2019 (January 9, 2020).
- ↑ The Merchants of Peace - History - About ICC - ICC - International Chamber of Commerce. Arkivita el la originalo je 11 July 2015. Alirita 9 July 2015. Arkivigite je 2015-07-11 per la retarkivo Wayback Machine