Itala virina nacia teamo de futbalo
La itala virina nacia teamo de futbalo reprezentas sian landon, Italion, en internaciaj turniroj de virina futbalado. La teamo interalie en la turniro pri la Virina Futbala Mondpokalo de 1991 atingis la kvaronfinalon (la rondon de lastaj ok teamoj), kaj en la Eŭropa Virina Futbal-Ĉampionado 1993 kaj 1997 la finalon.
| Italio | ||
|---|---|---|
.svg){kind=logo}
| ||
| asocio | Federazione Italiana Giuoco Calcio Federacio Italia de Futbalo | |
| konfederacio | UEFA | |
| manaĝero | Milena Bertolini | |
| golreĝino | Elisabetta Vignotto (107) | |
| FIFA kodo | ITA | |
| unua matĉo |  Italio 2-1  Ĉeĥoslovakio 1968 | |
| plej granda gajno | Italio 9-0  Japanio 1981 | |
| plej granda perdo |  Germanio 6-0 Italio 1982 | |
| Virina Futbala Mondpokalo | ||
| aperoj | 2 (unua en 1991) | |
| plej bona rezulto | kvaronfinalo en 1991 | |
| Eŭropa Virina Futbal-Ĉampionado | ||
| aperoj | 6 (unua en 1989) | |
| plej bona rezulto | 2-a pozicio en 1993 kaj 1997 | |
Ĝi agadas kadre de la Federacio Italia de Futbalo, itale Federazione Italiana Giuoco Calcio (FIGC). Aktuale, la trejnisto de la nacia teamo estas Milena Bertolini, kaj la teamestro estas Sara Gama.
Historio redakti
La itala teamo estis inter la unuaj, kiuj konkuris en internaciaj matĉoj. La unua neoficiala matĉo okazis la 23-an de februaro 1968 kontraŭ la teamo de Ĉeĥoslovakio. En 1969 la itala teamo gajnis la Eŭropan Pokalon de Nacioj, itale "Coppa Europa per Nazioni" en finala rezulto de 3-1 kontraŭ la dana teamo - krome en tiu turniro partoprenis la angla kaj franca teamoj. En 1970 la daninoj venkis per rezulto de 2-0 kontraŭ la italinoj en la finalo de la unua neoficiala monda ĉampionado, tiel ke la itala teamo nur atingis la duan pozicion. En la 2-a neoficiala monda ĉampionado de 1971 en Meksiko la itala teamo atingis la 3-an pozicion. La 28-an de novembro 1971 sekvis la unua internacia matĉo agnoskita de la internacia federacio FIFA.