Japana encefalito
Japana encefalito (en japana 日本脳炎, Nihon-nōen) —antaŭe konata kiel Japana encefalito B por distingi ĝin el la encefalito A de von Economo — estas malsano kaŭzata de la kulodevena japanencefalita viruso. La japanencefalita viruso estas viruso el la familio de Flaviviredoj.
Hejmaj porkoj kaj naturaj birdoj (ardeoj) estas enhavejoj de tiu viruso; transmito al homoj povas kaŭzi drastajn simptomojn. Inter ĉefaj vektoroj de tiu malsano estas la kuloj Culex tritaeniorhynchus kaj Culex vishnui. Tiu malsano okazas ĉefe en Sudorienta Azio kaj Fora Oriento.
