Kathoey
La termino kathoey (taje: กะเทย, elparolo: [kà.tʰɤːj] aŭ katoey, katoï aŭ katoy, kiu signifas 'malsimila' estas en Tajlando kaj Laoso la kutima vorto por virin-vira transgenrula aŭ virineca transseksula persono. Ĝi referas al homoj, kiuj naskiĝas fiziologie viraj sed, kiuj "havas virinan koron" kiel tajoj vortumas ĝin[1].
Aliaj esprimoj por kathoey estas sao (aŭ phuying) praphet song (la alia speco de virino) aŭ phet thee sam (la tria sekso). En la angle parolataj landoj ankaŭ estas uzata vaste tradukita esprimo ladyboy (fraŭlin-knabo).
La termino (pruntvorto de la khmera en la tajan lingvon, kiu originale signifis androgina/ambaŭseksa) ne havas precizan ekvivalenton en aliaj lingvoj, kiu klarigas ke ĉiuj provoj fari tradukon fiaskis pro malsamaj konotacioj de la respektivaj terminoj en aliaj lingvoj[2].
La kathoey, kiujn sole jam en Tajlando oni kalkulis je 500 000 kaj ne nur en la urboj, estas plene integritaj en la socio kaj firme ankrumitaj en la taja kulturo. Tajlando estas inter la landoj en la mondo kie la indulgemo vidalvide de transgendruloj estas plej granda, pro la akceptemo de la budaisma religio[3].
Filmo redakti
(germana) Patong Girl (Germanio, 2014), Regio: Susanna Salonen.
(angla) Thailand's Third Gender esploras la vivon de kathoey en Tajlando.
Literaturo redakti
(germana) Céline Grünhagen: Transgender in Thailand. Die religiöse und gesellschaftspolitische Bewertung der Kathoeys. In: Religion und Politik im gegenwärtigen Asien. Konvergenzen und Divergenzen. Lit Verlag, Berlin/Münster 2013, S. 67–83.
Modo redakti
La stilo kaj la modo de tajaj kathoey estas plejparte pruntitaj de korea popkulturo[4]
Referencoj redakti
- ↑ (angla) Hannah Beech, Where the ladyboys are, Time, la 7-an de julio 2007.
- ↑ (germana) Grünhagen: Transgender in Thailand. 2013, S. 72.
- ↑ (franca) Carmen Butta, Les "lady boys" en Thaïlande Arkivigite je 2017-05-14 per la retarkivo Wayback Machine, Géo Arte Tv, 2016.
- ↑ (angla) Blackwood, Evelyn kaj Mark Johnson. "Queer Asian Subjects: Transgressive Sexualities and Heteronormative Meanings." Asian Studies Review 36.4 (2012): 441-51.