Koboldo Plop

Koboldo Plop aŭ, nederlande, Kabouter Plop estas la ĉefrolulo en la samnoma televida serio de Studio 100 por junaj infanoj en Belgio.

Koboldo Plop
Koboldo Plop en Plopsaland
fikciulo en televida serio • koboldo
Verko	Kabouter Plop
Rolita de	Walter De Donder
Informoj
Sekso	vira
Specio	koboldo
Okupo	bufedisto

Koboldo Plop
fikciulo en televida serio • koboldo
Origina lando	Belgio
Amplekso
Epizodoj	295
Elsendo
Unua elsendo	27 aŭg. 1997

La televida serio, enscenigita de Bart Van Leemputten, konsistas de mallongaj filmetoj de ĉirkaŭ 5 minutoj. Plej ofte la filmetoj montras koboldojn en la "lakta gastejo" (melkherberg) de Plop (fungo). Tie oni servas ploplakton kaj plopkeksojn.

Plopfilmoj

Apud la televidaj serioj kreiĝis kelkaj filmoj de Koboldo Plop:

1. De Kabouterschat (1999)
2. Plop in de Wolken (2000)
3. Kabouter Plop en de Toverstaf (2003)
4. Plop en Kwispel (2004)
5. Plop en het Vioolavontuur (2005) kun Frans Bauer kiel koboldo Amadeus
6. Plop in de stad (2006)
7. Plop en de pinguïn (2007)
8. De Kabouterschat (refilmigo) (2008)
9. Plop en de kabouterbaby (2009)
10. Plop wordt Kabouterkoning (2012)

Plopkantoj

La kantoj de Plop, entute kvin kompaktdiskoj, estis grandega sukceso ĉe infanoj kaj eĉ plenkreskuloj en Flandrio kaj Nederlando. Furoraj kantoj kiel De Kabouterdans dum pluraj semajnoj estis numero 1 en la listo de furoraĵoj en Belgio samkiel en Nederlando.

Plopproduktoj

Haveblas diversaj komercaj produktoj kun la bildo de Koboldo Plop, kiel lerneja materialo, vestaĵoj, keksoj kaj trinkaĵoj.

Ankaŭ en la amuzparko Plopsaland de Studio 100, koboldo Plop ludas gravan rolon.

Eksteraj ligiloj

• La retejo de Studio 100