Kongruema reĝimo
Kongruema reĝimo (angle Quirks mode) estas tiu reĝimo de programo, ĉefe foliumilo, per kiu eblas realigi retrokongruon. En ĉi tiu reĝimo la foliumiloj imitas erarojn de malnovaj foliumiloj. Tio necesas, por ke paĝoj, kiuj estis foje kreitaj por malnovaj foliumiloj, ankoraŭ funkciu per novaj foliumiloj.
| HTML | |
|---|---|
| |
Aktivado de la reĝimo
La reĝimo de foliumilo dependas de la uzata dokumento-speca deklaro, kiu staras je la komenco de HTMLa paĝo. Se tia deklaro mankas, ĉiuj foliumiloj ŝaltas al la kongruema reĝimo, kiu imitas erarojn de malnovaj foliumiloj. Interreta Esplorilo 6 ankaŭ aktivigas ĉi tiun reĝimon, se antaŭ la dokumentotipa deklaro staras XML-deklaro.
Normokongrua reĝimo
La kongruema reĝimo ja estas la kontraŭo de la normokongrua reĝimo (angle standards mode). Ĉilasta estu uzata por novaj retpaĝoj, por povi pli bone eluzi la eblojn de la modernaj foliumiloj.
La jena kodo aktivigas la striktan reĝimon (normokongruan reĝimon) de HTML 4:
<!DOCTYPE html PUBLIC "-//W3C//DTD HTML 4.01//EN"
"http://www.w3.org/TR/html4/strict.dtd">
En HTML5 eĉ sufiĉas la jena kodo, por aktivigi la normokongruan reĝimon:
<!DOCTYPE html>
Vidu ankaŭ
Literaturo
- Münz, Nefzger. (2005) HTML (germane). Poing: Franzis Verlag GmbH, p. 389. ISBN 3-7723-6654-6.
