Kuira televida programo

Kuirprogramo estas televida programo, kiu montras la preparadon de manĝaĵo, kutime en kuirejo en fotostudio. Foje la programo ne estas filmita en fotostudio, sed aliloke kiel ekzemple en restoracio- kuirejo aŭ eĉ ĉe manĝbudoj ĉe publika merkato. Kutime, la gastiganto de la spektaklo, kutime fama kuiristo aŭ eĉ ĉefkuiristo, preparas unu aŭ plurajn pladojn dum la spektaklo, antaŭ la sidanta spektantaro, kaj montras ĉiujn kuiradstadiojn de la preparo. Kelkfoje ankaŭ oridinaraj homoj, kiuj ne estas profesiaj kuiristoj sed amatoraj, preparas la manĝaĵon.

Studio de la germana kuirada prezento Die Küchenschlacht ("La Kuireja Batalo") en 2008.

Kuirspektakloj reprezentas unu el la plej malnovaj ĝenroj en la televidmedio. La unua programo estis elsendita en Britio de BBC en januaro 1937. Ili disetendiĝis en la 1950-aj jaroj en Usono proksime al la larĝa penetro de ĉi tiu medio. Ĉi tiuj programoj estis ankaŭ en aliaj landoj unu el la plej stabilaj specoj de televido en la elsendohoraro.

Kvankam ekde la komenco de la 21-a jarcento videblas ŝanĝoj en la maniero kiel la manĝaĵoj estas preparitaj kaj prezentitaj dum la programo, la tradicia ŝablono ankoraŭ konserviĝas, tiu karakterizita de kuiristo aŭ kuiristino staranta kaj filmita en kuirejo speciale starigita en studio kiu klarigas paŝon post paŝo kion la spektanto vidas antaŭ iliaj okuloj. La vido mem de la preparprocezo, kaj la fina rezulto, devus doni al la spektanto senton, ke skribita recepto ne sukcesus transdoni la informon.

En 1993, la televida kanalo " Food Network " estis lanĉita, kiu estas tute dediĉita al tiu ĝenro de spektaklo.

Kvankam la plej multaj el la kuirprogramoj ne atingas la supron de la furorlistoj, ili akiris relative altan popularecon ekde la fruaj tagoj de televido. Plejofte, ili ne estas tro multekostaj por produkti, do la televidkanaloj kutimis meti ilin en mortaj horoj laŭ taksoj, do ĉefe posttagmeze.