Kumulonimbuso

Kumulonimbuso^[1] (latine cumulonimbus, mallonge Cb) estas genro de densaj altaj nuboj, kiuj ofte kaŭzas tondroŝtormon.

Aspekto

La kumulonimbuso estas granda, alta nubo, kies alto estas tipe pluraj kilometroj. La bazo troviĝas inter 200 kaj 400 metroj super tero, dum la supraĵo troviĝas ĉirkaŭ 10–20 kilometroj super tero. La nuboj de tiu genro estas la plej grandaj el la 10 nubgenroj.

Klasifiko

Laŭ la Internacia Nubatlaso, ekzistas du specioj en la genro Kumulonimbuso:

La harplena (aŭ kapilara) kumulonimbuso (latine cumulonimbus capillātus, mallonge Cb cap) havas fibran supraĵon, similan al ciruso.
La kalva kumulonimbuso (latine cumulonimbus calvus, mallonge Cb cal) havas nefibran supraĵon, similan al kumuluso.

La Internacia Nubatlaso agnoskas neniun varion de tiu genro.

kalva kumulonimbuso
harplena kumulonimbuso

Historio

Tiu ĉi genron unue proponis la dano Philip Weilbach en 1880.^[2]

Referencoj

↑ Nova Plena Ilustrita Vortaro de Esperanto: kumulonimbus/o
↑ Weilbach, Philip (1880). “Formes des nuages en Europe septentrionale”, Annales du Bureau Central Météorologique de France (fr) 1 (B), p. 11–40.

Eksteraj ligiloj

Kumulonimbuso en la Vikimedia Komunejo (Multrimedaj datumoj)
Kategorio Kumulonimbuso en la Vikimedia Komunejo (Multrimedaj datumoj)

Cumulonimbus (Cb) (Weilbach 1880) (angle). International Cloud Atlas.

Genroj de nuboj laŭ la Internacia Nubatlaso

[1] Nova Plena Ilustrita Vortaro de Esperanto: kumulonimbus/o

[2] Weilbach, Philip (1880). “Formes des nuages en Europe septentrionale”, Annales du Bureau Central Météorologique de France (fr) 1 (B), p. 11–40.

[1]

[2]