La Socialisto
La Socialisto estas gazeto en Esperanto kaj germana lingvo. Fondita en 1926. Organo de Aŭstria Laborista Ligo Esperantista (ALLE), en 1933 ankaŭ tiu de Internacio de Socialistaj Esperantistoj (ISE). Formato 24x16, de 1931 32x24. Bone redaktita. Pereis kune kun la detruo de la demokratio en Aŭstrio en februaro 1934. Reviviĝis en Francujo.
-
Ĉefartikolo de Otto SIMON, la unua prezidanto de ALLE -
Ĉefartikolo de Alfred BERDAN en la lasta numero 1934
| La Socialisto | ||
| ||
| periodaĵo | ||
|---|---|---|
| Speco | aperis 5-foje ĉiujare | |
| Formato | 24x16, de 1931 32x24 | |
|
| ||
| Posedanto | ALLE (pli detale vidu tekste), en 1933 ankaŭ tiu de ISE | |
| Establodato | 1926 | |
| Politiko/ Ideologio |
socialisma | |
|
| ||
Post la Dua Mondmilito aperis la unua numero de "La Socialisto" en februaro 1964 en formato A5. La enkondukan germanlingvan artikolon skribis d-ro Rudolf FISCHER (Fiŝer), la patro de d-ro Heinz Fischer, federacia prezidento de Aŭstrio. La gazeto aperis ĝis 2000 kaj ekde tiam en LEA/G MAGAZINO, ĝis la malapero de la magazino fine de 2004.
En 2008 aperis "La Socialisto" n-ro 1/2008 kun la invito al la ĝeneralkunveno de ASLE (antaue ALLE) kun jena klarigo: "Kiam oni donis la nomon La Socialisto, tio estis en kunsento kun la tiama sinteno de la Socialdemokratia Partio de Aŭstrio (SPÖ). Bedaŭrinde tio ŝanĝis kaj la pinto de la partio votis por la angla kiel lingva franka".
En 2009 "La Socialisto" n-ro 1/2009, majo, 46-a jaro, informas pri la malfondiĝo de ASLE la 15-an de junio 2009.
-
Postmilita ĉefartikolo de doktoro Rudolf FISCHER (februaro 1964) -
Otto STÖBER, fondinto de "Aŭstria Laborista Ligo" (ALL)
