Liaodonga Duoninsulo

Loko de la Liaodonga Duoninsulo.

La Liaodonga Duoninsulo (en simpligita ĉina: 辽东半岛; en tradicia ĉina: 遼東半島; en pinjino: Liáodōng Bàndǎo) estas duoninsulo en la sudo de la provinco Ljaŭningo en Nordorienta Ĉinio, kiu formas la sudokcidentan/marbbordan duonon de la regiono Liaodong. Ĝi estas inter la elfluejoj de la rivero Daliao (nome historia malsupra parto de la rivero Liao) okcidente kaj de la rivero Jalu oriente, kaj enhavas la teritoriojn de la tuta sub-provincnivela urbo Dalian kaj partojn de la prefekturnivelaj urboj Inkou, Anŝano kaj Dandong. Pli oriente estas la okcidenta pinto de la ĉina landlimo kun Norda Koreio.

La vorto "Liaodong" (iam literumita Liaotung) laŭvorte signifas "oriente de la regiono Liao", reference al la komandantejo Liaodong de la ŝtato Ĝan de la Militŝtata periodo, kiu enhavis areon el la nuntempa limo Liaoning-Ĝilinio en la nordo de la rivero Ĉongĉon sude, kaj ĝuste oriente de la montoj Qian ĝis la rivero Daling okcidente. La nuntempa uzado de "Liaodong" tamen simple referencas al la duono de la provinco Liaoning kiu estas oriente de la rivero Liao.