Malpartida de Cáceres estas situa en la centra parto de Ekstremaduro en la komarko aŭ distriktoLlanos de Cáceres, je altitudo de 371 m; je nur 11 km de Cáceres, provinca ĉefurbo (al kiu ĝi funkcias kiel kvartalo aŭ dormurbo) kaj je 71 km de Mérida, la regiona ĉefurbo. La areo de ties teritorio estas de 33,73 km². Ĝi situas je la koordenatoj:
Estis setlejoj en la epokoj prahoma, antaŭromia, romia, islama kaj mezepoka. La fondo kiel vilaĝo eble datiĝas de la 13a jarcento post la Reconquista de Cáceres. En la 16a jarcento okazis la etendo de la kerno, kiel urba disvolvado de stratoj ampleksaj kaj rektaj kun forma triangula, formata de blankaj domoj. En 1833 Malpartida sendependiĝas de Cáceres.
Kiam oni konstruis la fervojon en la 19a jarcento, la stacion por Arroyo de la Luz kaj Malpartida de Cáceres oni konstruis en intermeza punkto en loko apartenanta al municipo de Cáceres. Ĉirkaŭ tiu stacio aperis la domaron de Estación Arroyo-Malpartida, kiu enhavis ĝis 1000 loĝantoj kaj aktuale, post la fermo de la stacio, estas preskaŭ senhoma.
Popola arkitekturo de blankaj domoj kun grandaj kamenoj.
Preĝejo de Ntra. Sra. de la Asunción. De la 16a jarcento kun diversaj stiloj: la interno kaj kelkaj partoj de la ekstero estas gotikaj, la pordo estas renesanca kaj la retablo baroka.
Ermitejoj:
San Antonio. Eble la unua preĝejo de la vilaxo, de la dua duono de la 15a jarcento kaj volbo de la 16a jarcento.
Santos Mártires.
Santa Ana. Konstruita en la 16a jarcento
La Soledad. De fino de la 17a jarcento aŭ komenco de la 18a jarcento.
Multaj palacoj kaj blazonaj domegoj de riĉaj kaj nobelaj familioj.
La Muzeo Narbón. Pri la pentristo Juan José Narbón.
La Lanlavejo. Konstruita en la 18a jarcento ĉe la laguno Barrueco de Abajo. Grava montro de industria arkitekturo. La lavado de lano gravis por Malpartida dum la 19a jarcento. Laboris tie pli da cento da laboristoj, kiuj fortondis la ŝafojn, lavis ties lanon kaj sendis ĝin por la tekstila industrio de Portugalio kaj la Nordo de Eŭropo. Nuntempe gastigas la muzeon de moderna arto Vostell-Malpartida.
Natura loko Los Barruecos ĉirkaŭ laguno ĉe la Lanlavejo kaj la Muzeo. En la laguno estas fiŝoj kaj emidoj. Sur rokegoj de granitoj nestumas multaj paroj de blanka cikonio, malkutime ĉe ili, kiuj plej ofte nestumas sur altaj konstruaĵoj aŭ sur arboj. Arkeologia kuŝejo.
Vikimedia Komunejo Malpartida de Cáceres [+]
