Marie-Louis-Félix Chevrier de Corcelles
Marie-Louis-Félix Chevrier de Corcelles estis franca politikisto kaj deputito de la departemento Ain. Li naskiĝis la 31-an de decembro 1782 en Bourg-en-Bresse kaj mortis la 20-an de januaro 1855 en la sama komununo[1].
| Marie-Louis-Félix Chevrier de Corcelles | |||||
|---|---|---|---|---|---|
| Persona informo | |||||
| Marie-Louis-Félix Chevrier de Corcelles | |||||
| Naskiĝo | 31-a de decembro 1782 en Bourg-en-Bresse | ||||
| Morto | 20-a de januaro 1855 en Bourg-en-Bresse | ||||
| Lingvoj | franca vd | ||||
| Ŝtataneco | Francio vd | ||||
| Partio | Monarkismo | ||||
| Profesio | |||||
| Okupo | politikisto vd | ||||
| |||||
| |||||
| vd | Fonto: Vikidatumoj | ||||
Biografio redakti
Filo de Jean-Félix Chevrier de Corcelles, reĝa konsilisto kaj leŭtenanto en Bresse, kaj de Marie-Barbe-Constance Périer, li studadis en la centra lernejo de la departemento Ain, kie li interalie havis la proferoson André-Marie Ampère. Li sekve fariĝis advokato. Iom poste, li estis nomumita kiel imperia vicprokuroro en Liono, kaj baldaŭ taskiĝis pri la prezidanteco de la tribunalo de unua instanco de Bourg-en-Bresse.
Li verkis kaj publikigis en 1825 filozofian eseon, sub la titolo « Eseo pri abstraktaĵoj » (france Essai sur les abstractions).
Li kandidatiĝis pri deputiteco la 17-an de novembro 1827, kaj estis elektita en la unua distrikto. Li seĝis inter la moderaj subtenantoj de la reĝo, kaj estis denove elektita la 23-an de junio 1830. Li plenumis fideljuron al Ludoviko-Filipo post la franca revolucio de 1830, kaj ne opoziciis la novan reĝimon konatan kiel la julia monarkio. Li estis elektita por nova deputita mandato la 5-an de julio 1831.
En 1845, li ricevis la titolon de honora prezidanto de la tribunalo de Bourg-en-Bresse.
Referencoj redakti
Literaturo redakti
- « Marie-Louis-Félix Chevrier de Corcelles », en Adolphe Robert kaj Gaston Cougny, Dictionnaire des parlementaires français, eld. Edgar Bourloton, 1889-1891
- Datumbazo Sycomore de la Nacia Asembleo de Francio - Arkivo