Martin Markarian

Martin MARKARIAN (naskiĝis la  29-an de aŭgusto 1967(nun 1967-08-29), do nun 57-jara, antaŭ sia edziĝo en la 1990-aj jaroj Martin Burkert) estas germana esperantisto, aktoro kaj kuracisto pri infana kaj adoleskula psikiatrio kaj psikoterapio, nun vivanta apud Ĝenevo. Li en la 1990-aj jaroj plurajn jarojn estis membro de la komisiono de Germana Esperanto-Junularo pri renkontiĝoj. Pli konata li tamen estas kiel verkisto de la dulingve japan- kaj esperantlingva porinfana bildlibro La arbo kiu forkuris, kiu ekestis en Japanio dum mondvojaĝo inter la abitura ekzameno kaj la komenciĝo de medicina studado, kaj en 1990 en kunlaboro kun Kitagawa Hisasi, kiu verkis la japanan tekston, publikiĝis fare de la eldonejo Libroteko Tokio.

Eksteraj ligiloj

• la libro La arbo kiu forkuris en esperantlingva prezenteto de la libroservo de UEA,
• jen ankaŭ angle en retejo esperanto-usa Arkivigite je 2013-03-31 per la retarkivo Wayback Machine.