Nago
| Nago | |
|---|---|
| Tradukoj de नाग (nāga) Nagino: नागी (nāgī)[1] | |
| Esperante | Nago |
| Sanskrite | नाग (nāga) Nagino: नागी (nāgī)[1] |
| Japane | ナーガ |
 Terminaro de Budhismo
| |
Nago estas mitologia estaĵo, duone homo, duone vipero. Ili aperas en rakontoj en hinduismo, budhismo kaj ĝajnismo, kaj estas gravaj en pluraj mitologiaj tradicioj en Sudazio kaj sudorienta Azio.
Statuo de la nago Muĉalindo ŝirmanta la budhon Gotamon ĉe la bikŝuejo Wat Phra That Doi Suthep en Ĉiang Mai, Tajlando.
ReprezentadoRedakti
Ili estas reprezentitaj aŭ kiel homoj kun viperoj ĉe la hararo aŭ ĉirkaŭ la kolo, aŭ kiel gigantaj viperoj, aŭ kiel duone homoj de la kokso supren kaj duone viperoj de la kokso malsupren.[2]
LoĝlokoRedakti
En hinduismo, ili loĝas en la subtera paradizo Patalo, kie ili estas regataj de la reĝo de la nagoj.[3] En budhismo, ili ofte loĝas en riveroj, lagoj kaj kavernoj.
EtimologioRedakti
En Sanskrito, la vorto nāga (नाग) estas la ordinara nomo de hindia kobro (Naja naja). Ĝi ankaŭ estas uzita por nomi viperon ĝenerale, ne nur kobron.[4]
ReferencojRedakti
- ↑ Sanskrit Dictionary. Alirita 2018-09-27. Arkivigite je 2021-02-24 per la retarkivo Wayback Machine
- ↑ Jones, Constance. (2006) Encyclopedia of Hinduism (angle). Infobase Publishing, p. 300. ISBN 9780816075645.
- ↑ Elgood, Heather. (2000) Hinduism and the Religious Arts. London: Cassell. ISBN 0-304-70739-2.
- ↑ Apte, Vaman Shivram. (1997) The student's English-Sanskrit dictionary, 3‑a eldono, Delhi: Motilal Banarsidass. ISBN 81-208-0299-3.
