Nazurso
La nazurso (aŭ nazuo, nasuo aŭ koatio) estas genro (Nasua) de procionedo (Procyonidae), kiu vivas en Mezameriko kaj Sudameriko. La vorto koatio devenas el indiĝena lingvo.
PriskriboRedakti
La nazurso havas flekseblan, rostoforman nazon. Pliaj karakterizaĵoj estas la malgrandaj oreloj, la mallonga felo kaj la longa, dikfela vosto, kiun ili ofte starigas. Alie ol la noktaktivaj procionedoj estas la nazursoj tagaktivaj.
HabitatoRedakti
La nazursoj vivas sur la amerika kontinento, de la sudo de Usono ĝis Argentino. Ili ne estas elektemaj pro sia habitato, tial ili troviĝas en pluvarbaroj kaj ĉe la limoj de dezertoj. Plej ili ŝatas arbarojn.
NutraĵoRedakti
Ili estas ĉiomanĝantoj, tamen ili preferas viandon, ekzemple birdojn.
GeneradoRedakti
Inoj kaj idoj vivas kune en grupoj sed la virseksuloj vivas solaj. Ĉe pariĝa sezono la virseksulo proksimiĝas sin al inaro. Per felflegado ĝi petas pro pariĝo. Poste ĝi forpeliĝas. La inoj estas gravedaj dum ĉirkaŭ 75 tagoj kaj naskas 3-6 idojn.
SpeciojRedakti
Distingiĝas tri specioj:
- blankanaza koatio - Nasua narica ; ĝi troviĝas en la Verakrucaj humidaj arbaroj;
- longnaza nazuo - Nasua nelsoni
- ruĝa nazuo - Nasua nasua
Vidu ankaŭRedakti
Ekzistas plia nazurso, la montara nazurso (Nasuella olivacea), kiu vivas nur en la valoj de la Andoj kaj tiu nazurso apartenas al la propra genro Nasuella.