Novgvinea tigrardeo
La Novgvinea tigrardeo (Zonerodius heliosylus) estas birdo de la familio de Ardeedoj kaj indiĝena de Novgvineo. Ĝi estas la ununura membro de la monotipa genro Zonerodius. Ĝi estas rilata al la genroj Tigrisoma kaj Tigriornis, kaj ĉiuj estas menciataj kiel tigrardeoj alude al la strieca plumaro.
![]() | ||||||||||||||
---|---|---|---|---|---|---|---|---|---|---|---|---|---|---|
![]() Novgvinea tigrardeo
| ||||||||||||||
Biologia klasado | ||||||||||||||
| ||||||||||||||
Zonerodius heliosylus (Lesson, 1828) | ||||||||||||||
Konserva statuso | ||||||||||||||
![]() | ||||||||||||||
Aliaj Vikimediaj projektoj
| ||||||||||||||
Tiu aŭstralazia specio loĝas tra Novgvineo kaj ĉe la apudaj insuloj de Salavati kaj Aru, Indonezio. Estas malmultaj ĵusaj vidaĵoj kaj ĉar temas pri tre kaŝema specio estas malfacilege kalkuli ties vera populacio, kiu estas proksimume malpli da 10,000 individuoj. Ĝi loĝas en humidejoj kaj marĉoj de arbaro (ĝangalo) ĝis 1,430 m super marnivelo, do ne en plej altaj teroj. Minacoj povas esti etenda lignoproduktado el arbaroj de malaltaj teroj. Oni konas malmulte pri ties biologio kaj ekologio.
Ili ne estas migrantaj, sed povas fari sezonajn movojn. Temas pri specio 70 cm longa, de koloro ĝenerale bruna kun fajna ruĝecbruna strieco. La kapo estas nigra, kun beko relative longa. La iriso estas helbruna. Ili manĝas krabojn kaj aliajn krustulojn, akvajn skarabojn, malgrandajn fiŝetojn, ktp. La reprodukta sezono rilatas al la pluvsezono.
Referencoj
redakti- BirdLife International (2008). Zonerodius heliosylus. En: IUCN 2008. IUCN Ruĝa Listo de Endanĝeritaj Specioj. Elŝutita en 3a Februaro 2009. Kriterioj kial tiu specio estas preskaŭ minacata.
- BirdLife Species Factsheet Arkivigite je 2007-09-29 per la retarkivo Wayback Machine
- Novgvinea tigrardeo ĉe Zipcode Zoo
Literaturo
redakti- James A. Kushlan & James A. Hancock: Herons. Oxford University Press, 2005, ISBN 0-19-854981-4