Okcidenta kriĉostrigo

La Okcidenta kriĉostrigo, Megascops kennicottii, estas eta strigo, proksime parenca al la eŭropa Malgranda orelstrigo kaj al la nordamerika Orienta kriĉostrigo. La scienca nomo devenas el la usona naturalisto Robert Kennicott.

Kiel legi la taksonomion Okcidenta kriĉostrigo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Strigoformaj Strigiformes Familio: Strigedoj Strigidae Genro: Megascops Specio: M. kennicottii
Dunomo
Megascops kennicottii
Konserva statuso
Konserva statuso: Malplej zorgiga
Sinonimoj
Otus kennicottii
Aliaj Vikimediaj projektoj

Aspekto

Tiu ĉi estas eta strigo, 21.5 cm longa kun enverguro de 51 cm kaj pezo de 150 g. Inoj estas pli grandaj ol viroj. Estas pluraj kolortipoj: Bruna Pacifika, Griza Pacifika, Granda Ebenaĵa, Mohavea, kaj Meksika. Ĉiuj havas aŭ brunan aŭ grizan plumaron kun strioj sube. Ne estas ruĝeca kolortipo.

Ili havas rondan kapon kun etaj orelsimilaj plumoj, flavaj okuloj, kaj flaveca beko. Antaŭe ili estis konsiderataj kiel la sama specio kun Orienta kriĉostrigo.

Konduto

Ili estas konstantaj loĝantaj birdoj de okcidenta Nordameriko. Ili reproduktiĝas en maldensaj falfoliaj arbaroj, kaj la bordo de miksaj arbaroj. Ili ofte uzas truojn, kiuj estis fosataj de pegedoj.

Kriĉostrigoj atendas sur branĉoj kaj plonĝas suben sur nesuspektaj kaptaĵoj. Ili povas ankaŭ kapti insektojn flugade. Ilia dieto konsistas plejparte el etaj mamuloj, birdoj, kaj grandaj insektoj. Tiuj nearktisaj birdoj agemas nokte kaj krepuske, kaj uzas ilian bonegan aŭdon kaj noktan vidon por trovi kaptaĵojn.