Omišalj

Omišalj [omiŝalj] estas marborda urbeto en nordokcidento de insulo Krk, Kroatio. Ĝia loĝantaro estas 1.790 (2001), tiu de la tuta administra areo - kiu inkludas la proksime situantan Njivice- estas 2.998.

Omišalj estas unu de la plej malnovaj urboj de Krk. Ĝin fondis la romianoj en la 3-a jarcento kiel Fulfinium. Ĝia strategia signifo estis, ke ĝi situas sur roko de 80 m alta, de kiu oni povas spekti la Kvarner-golfon. El epoko de la fondiĝo, postrestis la ruinoj de frukristana baziliko. En la 12-a jarcento, Omišalj estis nomita Castri musculi (el la latina ad musculi "ĉe la konkoj").

En la moderna Omišalj troviĝas la internacia flughaveno de Rijeka kaj naftorafinejo. Ĉe tiu lasta estas planita fino de la suda branĉo de la internacia Naftodukto Amikeco-Adria. La plua transporto al la tuta mondo per cisternaj ŝipoj ne povas realiĝi ankoraŭ pro medioprotektaj protestoj.

Eksteraj ligiloj

• oficiala paĝo (kroate)
• komunuma turisma asocio Njivice-Omišalj Arkivigite je 2009-11-24 per la retarkivo Wayback Machine