Pedicularis densiflora
Pedicularis densiflora estas planto de la genro Pedicularis en la planta familio orobankacoj. Temas pri herbo kun fortaj, verdaj aŭ foje ruĝaj aŭ violkoloraj tigoj kaj filiko-similaj folioj, kaj longaj pintoj de malhelruĝaj ĝis forte rozkoloraj floroj kun dentorandaj petaloj. Kiel aliaj specioj de la genro, ĝi estas radika parazito, alkroĉiĝante al la radikoj de aliaj plantoj por ricevi nutraĵon kaj akvon. Tiu specio povas, sed ne nepre estas parazita, do ankaŭ povas pretervivi sen alkroĉiĝo al alia planto sed ekparazitos se prezentiĝos ebleco. Ofte ĝi parazitas ĉe plantoj de la familio erikacoj. La planto hejmas en okcidenta Nordameriko kaj troveblas en arbaroj de malgranda alteco super la marnivelo.
 | ||||||||||||
|---|---|---|---|---|---|---|---|---|---|---|---|---|
 | ||||||||||||
| Biologia klasado | ||||||||||||
| ||||||||||||
| Pedicularis densiflora BENTH. laŭ HOOK. | ||||||||||||
Aliaj Vikimediaj projektoj
| ||||||||||||
La burĝonoj de la planto vendiĝas kiel medicinaj herboj kaj estas fumataj pro siaj psikiaktivaj efikoj. Tiuj efikoj inkluzivas muskolan malstreĉiĝon, trankviligon kaj dormemigon. La planto estas unu el pluraj deklaritaj herboj en la produktaĵo "Spico" origine vendita sub la pretendo esti incenso de pluraj herboj, sed fakte provizita per aldona sintetika narkotaĵo kaj uzita kiel moda drogo. La droga efiko do probable ne rilatas al la aldono de la planto al la miksaĵo, sed al la aldona sintetika narkotaĵo.