Provinco Gorico

La provinco Gorico (itale provincia di Gorizia, en Esperanto foje, jam en la tempo de la Habsburga Imperio ĝis 1918, simple nomita Goricio) estas provinco en la regiono Friulo-Venecio Julia, en la nord-orienta Italio. La ĉefurbo, Gorico, situas ĉe la bordo inter Italio kaj Slovenio. La teritorio ekde oktobro 2017 administre ne plu estis oficiala provinco. Ekde tiam la komunumoj apartenis al du intermunicipaj aŭ interkomunumaj teritoriaj unuoj, nomataj Carso Isonzo Adriatico kaj Collio - Alto Isonzo, sed jam fine de 2019 denove ŝanĝiĝis la administra strukturo: ekde januaro 2020 ĉiuj komunumoj apartenas al tiel nomata "malcentra regiona unuo Gorico", kiu laŭ amplekso identas al la antaŭa provinco - tial, pro praktikeco kaj plia koncizeco, tolereblas plutraduki la novan longan administran nomon Ente di decentramento regionale di Gorizia al Esperanto per "provinco Gorico".

Provinco Gorico
eksa provinco de Italio • provinco de Italio
Ŝtato	Italio
Regiono:	Friulo-Venecio Julia
Kodo laŭ ISO 3166-2:	GO
Areo:	466 km²
Ĉefurbo:	Gorico
Loĝantaro:	138 791 (fine de 2021)
Loĝdenso:	298 loĝ./km²
Kvanto de komunumoj:	25
Poŝtkodo:	34070-34079, 34170
Kodo laŭ ISTAT:	031
Telefona prefikso:	0431, 0481
Retpaĝo:	Oficiala retejo
Mapo

Fine de 2021 en la regiona unuo vivis 138 791 loĝantoj, el ili 70 154 virinoj kaj knabinoj kaj 68 637 viroj kaj knaboj.

Komunumoj

(nombroj de la stato fine de oktobro 2022)

komunumo	loĝantoj
Gorico	33 560
Monfalkono	29 400
Ronkio	11 821
Grado	7 731
Starancano	7 173
Kormonso	7.161
Gradisko ĉe Soĉo	6 409
Sankta Kanciano ĉe Soĉo	6 029

Mapo

Eksteraj ligiloj

• Oficiala retejo (itale)

Vidu ankaŭ

• Regionoj kaj provincoj de Italio

Referencoj

Regionoj kaj provincoj de Italio     → Provincoj de Friulo-Venecio Julia
GO Gorico - PN Pordenono - TS Triesto - UD Udine