Richard of Pudlicott
Richard of Pudlicott (mortis 1305), konata ankaŭ kiel Richard de Podelicote (aŭ Pudlicote, aŭ Dick Puddlecote), estis angla lana komercisto, kiu pro sia bonŝanco, fariĝis fifama ŝtelisto de trezoro de angla reĝo Eduardo la 1-a, ĉe Abatejo Westminster en 1303. Rikardo, kune kun altrangaj komplicoj, ŝtelis grandan parton de la reĝa trezoro el gemoj, antikvaj oroj kaj moneroj, kalkulita je pli ol 100.000 pundoj aŭ ĉirkaŭ egala al jara imposta enspezo por la Reĝlando Anglujo. Kiam nepageblaj objektoj komencis inundi lombardejojn, domojn de prostituado kaj eĉ fiŝkaptajn retojn en la Tamizo, la reĝo kaj liaj ministroj, kiuj estis tiam for ĉe milito en Skotlando, estis avertitaj.
| Richard of Pudlicott | |
|---|---|
| Persona informo | |
| Morto | 30-an de novembro 1304 |
| Mortokialo | pendumo |
Multaj dekduoj da homoj estis kaptitaj kaj enprizonigitaj en larĝa kaj sendiskrimina reto kaj poste alportitaj al unu el la plej grandaj procesoj de la Alta Mezepoko en Anglujo. Finfine plejparto de la prirabaĵo estis reakirita kaj dekduo aŭ pli estis pendigitaj, inkluzive de Rikardo, sed la plej multaj evitis la ekzekutiston. Rikardo donis falsan konfeson, ke li estis la sola implikita, savante la pastraron - siajn internajn komplicojn - esti kondamnita.
Post lia pendumado, lia korpo estis dehaŭtigita kaj laŭ legendo tiu haŭto estis najlita al la pordo de Abatejo Westminster kiel averto al aliaj krim-emuloj. Studo de 2005 pri la pordo, datanta reen al la regado de reĝo Eduardo la 1-a (igante ĝin la plej malnova pordo en Anglujo) montris la legendon falsa. La fragmentoj de kaŝitaĵo trovitaj sub la sola postvivanta fera rimeno rezultis esti de besta haŭto, kiu iam kovris la pordon.