Rodrigo (HWV 5) estas opero en tri aktoj komponitaj de George Frideric Handel. Ties origina titolo estis Vincer se stesso è la maggior vittoria ("Venki super si mem estas la plej granda venko"). La opero estas bazita sur la historia figuro de Rodrigo, nome la lasta reĝo de Visigotoj en Hispanio. La libreto estis bazita sur la verko de Francesco Silvani nome II duello d'Amore e di Vendetta ("La konflikto inter amo kaj venĝo").[1] Datita el 1707, ĝi estis la unua opero de Handel verkita por ludado en Italio, kaj la premiero okazis en Florenco fine de 1707.[2]

Rodrigo
drama muzika verko
Aŭtoroj
Lingvoj
Lingvo itala lingvo
Eldonado
Eldondato 18-a jarcento
Ĝenro opero
vdr
Juna Handel, pli malpli en la epoko de kompono de Rodrigo.

La opero estis revivigita en 1984, en Innsbruck. Perdita fragmento el la 3a Akto estis trovita en 1983, kaj pli kompleta produktado estis farita de la "Handel Opera Society" estrite de Charles Farncombe en la "Sadler's Wells Theatre" en Londono en 1985.[3] Inter aliaj ludadoj, Rodrigo estis prezentita en Karlsruhe en 1987,[1] en la "Handel Festival", de Halle en 2002[4] kaj en la Internacia baroka opero festivalo, Beaune, Francio, en 2018.[5]

La opero disvolvigas intrigon kiu miksas la aferojn pri la sukcedo fare de Rodrigo post lia antaŭanto kaj komploto de nobeloj por la venonta sukcedo kun la aferoj pri la amrilatoj. Rodrigo havis amaferon kun Florinda kaj petas venĝon, dum la edzino de Rodrigo, nome Esilena, intencas pacon. Finfine Rodrigo kaj Esilena iras al ekzilo kaj Evanco ascendas al la trono, kaj li edziĝas al Florinda.

  1. 1,0 1,1 Graeme, Roland (2000). “Vincer se stesso é la maggior vittoria (Rodrigo). George Frideric Handel.”, The Opera Quarterly 16 (2), p. 299–301. doi:10.1093/oq/16.2.299. Alirita 2007-09-21.. 
  2. Knapp, J. Merrill, "Handel's First Italian Opera: Vincer se stesso è la maggior vittoria or Rodrigo (1707)" (Januaro 1981). Music & Letters, 62 (1): pp. 12-29.
  3. Sadie, Stanley (ed). (1992) The New Grove Dictionary of Opera, vol. 3, p.1369. Oksfordo: Oxford University Press. ISBN 978-0-19-522186-2.
  4. Halle's Händel-Festival with Budget Problems. Alirita 7a de julio 2014.
  5. Compte rendu critique, opéra. BEAUNE, le 20 juillet 2018. Georg Friedrich HAENDEL, Rodrigo, Ensemble Les Accents, Thibault Noally.| Classique News. Alirita 27a de novembro 2018.