Rorschacherberg

Rorschacherberg (prononcu: Rorŝaĥrberg) estas komunumo en la elektodistrikto Rorschach, Kantono Sankt-Galo, Svislando. Ĝi havis 6549 loĝantojn je la 31-a de decembro 2006.

Rorschacherberg
Blazono de Rorschacherberg
Vaportrajno de Rorschach-Heiden-Montarfervojo ĉe la haltejo Rorschacherberg
komunumo en Svislando
Kantono	Sankt-Galo
Distrikto	Rorschach Sankt-Galo
Koordinatoj	47° 28′ 0″ N 9° 30′ 0″ O (mapo)
Nombro de loĝantoj	6549
Areo	7,11 km²
Alteco	570 m super marnivelo
Poŝtkodo	9404
Komunumkodo	{{{kodo}}}
Mapo de Rorschacherberg

Geografio

Rorschacherberg situas ĉe la monta deklivo sudoriente de Rorschach kaj etendiĝas norde ĝis Bodenlago kaj sude sur la kresto de tavolmonto la Kantonon Apenceno Ekstera.

En Rorschacherberg troviĝas la kvar kasteloj St. Annaschloss, Wartensee, Wartegg kaj Wiggen.

Trafiko

Rorschacherberg disponas pri haltejo de la dentoradfervojo Rorschach-Heiden-Montarfervojo kiu de la stacidomo de Rorschach kondukas al Heiden.

Historio

Ekde la jaro 2007 oni diskutas kaj projektas kunfandiĝon de Rorschacherberg kun la distriktĉefurbo Rorschach, al kiu la komunumo kiel antaŭkomunumo jam ĉiam estis tre ligita. Laŭ eklezia juro Rorschacherber ĉiam apartenis al la eklezia komunumo de Rorschach. Kiel sendependa politika komunumo Rorschacherberg estiĝis en la tiam fondita Kantono Sankt-Galo per la restaŭracia konstitucio en la jaro 1803. Unuan fojon dokumentita la nomo Rorschacherberg estis en la jaro 1468. La setlejoj Koblen, Eschlen kaj Hüttenmoos, kiuj apartenas la la komunumo, estis jam menciitaj en la 13-a kaj 14-a jarcento.

Vidu ankaŭ

• Sandbüchel (stacidomo)
• Seebleiche (stacidomo)
• Wartensee (stacidomo)

Eksteraj ligiloj

• Oficiala retejo de la komunumo Rorschacherberg
• Rorschacherberg en la Historia Leksiko de Svislando