Sankta Petro de Cervatos
Sankta Petro de Cervatos estas katolika templo de romanika stilo en Cervatos, en la orienta pinto de la Sierra de Híjar kaj en la municipo Campoo de Enmedio (Kantabrio, Hispanio). Ĝi estis konstruita en la 12-a jarcento.
Ĝi estas Havaĵo de Kultura Intereso, elstara romanika monumento karakterizita per la erotaj kaj seksaj motivoj de siaj modilonoj. La preĝejo estas sur la plej alta pinto de la vilaĝo, kien oni aliras laŭ strato pavimita per rondoformaj ŝtonetoj. La konstruaĵo estas de unusola navo kun absido, pordego, triparta prisma turo kaj diversaj dependaĵoj en la norda sektoro: sakristio, kapeloj de Kristo kaj baptejo. Plej rimarkinda estas la ornama skulptaĵaro, ekzemple en timpano, lintelo kaj kapiteloj. Oni kombinis vegetalajn ornamojn, kun scenoj de la Biblio kaj religiaj temoj kun plej erotaj montraĵoj de romanika stilo. Ankaŭ interne estas gravaj skulptaĵoj kaj pentraĵo.
Bibliografio redakti
- de Assas, Manuel (1857). «Colegiata de Cervatos». Semanario Pintoresco Español (8): 57-59, 407.
- Eálo de Sá, María (1978). El Románico de Cantabria en sus cinco colegiatas Arkivigite je 2022-07-01 per la retarkivo Wayback Machine Santander: Institución Cultural de Cantabria. Diputación de Santander. ISBN 84-500-2930-9.
- García Guinea, Miguel Ángel (2021). «Monasterio Colegiata de San Pedro de Cervatos». Enciclopedia del Románico en Cantabria. III - Campoo-Los Valles. Fundación Santa María la Real Centro de Estudios del Románico. pp. 1152-1192. ISBN 978-84-89483-38-5.