Sergej Miĥajloviĉ Gonĉarov
Sergej Miĥajloviĉ Gonĉarov (ruse Серге́й Миха́йлович Гончаро́в, naskiĝis la 21-an de aprilo 1862, mortis la 23-an de junio 1935) estis rusia kaj sovetia arkitekto. Li verkis multajn konstruaĵojn en Moskvo.
Sergej Miĥajloviĉ Gonĉarov | ||
---|---|---|
Sergej Gonĉarov en 1914 | ||
Persona informo | ||
Naskiĝo | 21-an de aprilo 1862 en Moskvo | |
Morto | 23-an de junio 1935 (73-jaraĝa) en Moskvo, Sovetunio | |
Alma mater | Lernejo de pentrarto, skulpturo kaj arkitekturo | |
Laboro | ||
Notindaj konstruaĵoj | vidu liston | |
Biografio redakti
Sergej Gonĉarov naskiĝis la 21-an de aprilo 1862. Li devenis de la nobela familio Gonĉarov. Li posedis bienon sur Bolŝoj Palaŝovskij strateto kies rekonstruo apartenas al la unuaj arkitekturaj verkoj de Gonĉarov.
Dum 1879 — 1886 li estis studanto de moskva Lernejo de pentrarto, skulpturo kaj arkitekturo kaj post studfino fariĝis arkitekto. Li laboris en Moskvo. Ekde 1910 li vivis en sia hejmo (Trjoĥprudnij strateto, 2).
Krome, Gonĉarov serioze okupiĝis pri pentrarto; pro tio liaj konstruaĵoj estas multe dekoritaj.
Post la Oktobra revolucio li faris nur kelkajn projektojn. Li mortis en Moskvo la 23-an de junio 1935, 73-jaraĝa.
Verkoj redakti
En Moskvo liaj verkoj estas:
- propra domo (1885, rekonstruita en 1901, adreso: Bolŝoj Palaŝovskij strateto, 7);
- domo de V.Kesler (1885, adreso: Malaja Gruzinskaja strato); ne konserviĝis;
- urba bieno de Ja.Ipatov-Malutin (1887, adreso: Niĵnjaja Krasnoselskaja strato, 40, konstruaĵo 11);
- domo de A. Ŝlippe (1893, adreso: Starokonjuŝennij strateto, 10/10); ne konserviĝis;
- domo de familio Bolotnov (1890-aj, adreso: Ŝĉepkin-strato, 24);
- multfamilia domo (1900, adreso: Vspolnij strateto, 18) — objekto de kultura heredaĵo[1];
- multfamilia domo de Kapirin (1901, adreso: 1-a Tverskaja-Jamskaja strato, 16);
kaj aliaj.
-
Multfamilia domo de V.Smirnov sur Pjatnickaja strato
-
Multfamilia domo de Kapirin sur 1-a Tverskaja-Jamskaja strato
Aliaj verkoj:
-
Kirko en Ŝĉolkovo
Referencoj redakti
- ↑ Objektoj de kultura heredaĵo, Moskomnasledije (ruse)