Siringofesto (Nov-Jorkio)
ĉiujara printempa festivalo en Roĉestro
La Siringofesto estas ĉiujara festivalo de arto, muziko, manĝaĵo kaj floroj okazanta en la parko Highland Park de Roĉestro, Nov-Jorkio, Usono. Ĝi estas unu el la plej grandaj tiaj festoj en Nord-Ameriko, allogante partoprenantojn el la tuta mondo. En la parko kreskas grandega kolekto de siringoj, kun pli ol mil arbustoj kaj centoj da specoj. La festo komenciĝas en frua Majo, kiam en Roĉestro la siringoj kutime jam burĝonas.
La festivalo daŭras dek tagojn kaj kutime partoprenas ĝin ĉirkaŭ 500 000 spektantoj.