Ŝablono-Diskuto:Informkesto muzikalbumo: Malsamoj inter versioj

:Saluton, Fernando. Mi kontraŭas la ŝanĝon de la parametro ''produktisto'' al ''produktoro'', ĉar la formo ''produktisto'' sekvas la esperantolingvan vortfaradon, dum ke ''produktoro'' estas tute aparta radiko laŭ iuj eŭropaj lingvoj. Mi pensas, ke ne necesas plikompligi esperanton. Kore --[[Vikipediisto:Tlustulimu|Tlustulimu]] 12:30, 9. Okt 2008 (UTC)

::Saluton, Tlus! Vi pravas, ke produktoro estas laŭdire "eŭropaĵo", tamen ĝi regas en la muzika medio, ĉu ne? Vikipedio mem havas artikolon [[produktoro]] kaj Vinilkosmo kaj MusicExpress, eble niaj ĉefaj iniciatoj pri muziko en Esperanto abunde uzas tiun vorton. Mi mem ne tiom ŝatas produktisto, ĉar multfoje la tiel nomataj "produktistoj" ne estas "istoj" mem. La sufikso "isto" indikas profesion, ne tiumomentan okupon. Eble do "produktanto" kaj "produktinto" pli tauĝas, se ni serĉas pli puran esperantan vorton. Tamen mi ne disputos pri tio; "produktisto" ne tiel malbonas kaj la uzo de tiu formo ankaŭ ne malabundas. Kion mi volas atentigi mem, ĝi estas, ke la ŝablono vere bezonas nepran poluradon. Ekz-e ĝi ligas al mistitolita artikolo "musika ĝenro" ktp. Mi laboros sur ĝin nun.--[[Vikipediisto:Fernando Maia Jr.|Fernando Maia Jr.]] 13:02, 9. Okt 2008 (UTC)