Bonifaco la 9-a

Bonifaco la 9-a (n. en 1356 - m. la 1-an de oktobro 1404), denaske Piero TOMACELLI, estis la dua roma papo de la granda okcidenta skismo. Li oficis ekde la 2-a de novembro 1389 ĝis sia morto. Dum lia reĝado kiel papo, la kontraŭpapo Klemento la 7-a sencedeme organizis sian propran kortegon en Avinjono, sub la protektado de la franca reĝlando.

Bonifaco la 9-a

Bonifaco la 9-a interalie finfine ĉesigis la tumulteman sendependecon de la roma komunumo kaj akiris politikan kontrolon de la urbo, kio necesigis fortikigi la Castel Sant'Angelo kaj la pontojn de Romo. En la papa ŝtato, Bonifaco la 9-a progrese reakiris la kontrolon de la ĉefaj kasteloj kaj urboj, kaj li do refondis la papan ŝtaton laŭ la aspekto, kiun ĝi konservis dum la 15-a jarcento.