[[Dosiero:Kurfürstendamm 2003.JPG|thumb|<center>la bulvardo ''Kurfürstendamm'' rigarde al la ''Imperiestro-Vilhelmo-Memorpreĝejo'']]
La '''Kurfürstendamm''' (aŭ neformale pli mallonge ''Ku’damm'', laŭvorte "[[princo-elektisto|princo-elektista]] digo") estas [[bulvardo]] kaj ĉefa ŝoseo de 3½ dakilometrakilometrojn longolonga en la urbodistrikto ''Charlottenburg-Wilmersdorf'' de [[Berlino]]. Ĝi kondukiĝas de la placo ''Breitscheidplatz'' (kie staras la ruina ''Imperiestro-Vilhelmo-Memorpreĝejo'') oriente ĝis la placo ''Rathenauplatz'' en la parka kaj vilaa urboparto ''Grunewald'' okcidente. La bulvardo estas turisma promenejo kun multaj vendejoj kaj kafejoj. Dum la "oraj" 1920-aj jaroj de la metropolo [[Berlino]] ĝi krom la iom pli orientaj Potsdama kaj [[Aleksandra Placo]]j estis la tria centro de la urba mezo, kaj post la [[Dua Mondmilito]] estis la sola el tiuj centroj, kiu situis en [[Okcidenta Berlino]], per severe garditaj limoj kaj ekde somero 1961 per [[Berlina Muro|ĉirkaŭa muro]] dividita de la orienta urboduono kaj la [[brandenburgio| brandenburgia]] ĉirkaŭaĵo. En tiu situacio ĝi iĝis la ekonomia kaj kultura kerno de la okcidenta urbo.
