[[dosiero:Rheinhessen Relief Karte.png|eta|300px|<center>la teritorio de ''Rheinhessen'']]
''Rejnhesio'', - [[germane]] ''Rheinhessen'' - estas regiono en la [[federacia lando (Germanio)|federacia lando]] [[Rejnlando-Palatinato]] de [[Germanio]]. En ĝi vivas sume iom pli ol 600 000 loĝantoj. La nomo aludas al la historia fakto, ke inter la jaroj 1816 kaj 1919 la teritorio apartenis al la grandduklando [[Hesio]] ''(Großherzogtum Hessen)'', kaj de 1919 ĝis 1945 al la popola ŝtato Hesio ''(Volksstaat Hessen)'', kaj estis tiu parto de la teritorio okcidente respektive sude de la rivero [[Rejno]]. La nordorientan limon konsistigas la rivero [[Nahe]]. Administre, al ĝi apartenas la [[eksterdistrikta urbo|eksterdistriktaj urboj]] [[Mainz]] kaj [[Worms]], la [[distrikto Alzey-Worms]] kaj granda parto de la [[distrikto Mainz-Bingen]] (nome ĉio okcidente de la rivero Nahe). Historie, la teritorio en la dua duono de la 20-a jarcento estis unu el kvar [[distriktaro (Germanio)|distriktaroj]] de la federacia lando [[Rejnlando-Palatinato]], kaj nun apartenas al la metropola [[regiono Rejno-Majno]].
