Aladár Gerevich: Malsamoj inter versioj
Kreis novan paĝon kun "{{Informkesto homo |nomo = |dosiero = Аладар Геревич.jpg |grandeco de dosiero = |priskribo..." |
(Neniu diferenco)
|
Kiel registrite je 18:00, 3 aŭg. 2019
Aladár Gerevich (pron: Aladar Gereviĉ) estas elstara hungara sportisto, skermisto (sabristo kaj rapiristo). Li naskiĝis 16-an de marco 1910 en Jászberény, Hungario kaj mortis 14-an de majo 1991 en Budapeŝto. Li estas 7-foja olimpia ĉampiono kaj 14-foja monda ĉampiono. Ĉampiono de Olimpiaj Ludoj de 1948 en individua konkurso kaj ĉampiono de Ludoj 1932, 1936, 1948, 1952, 1956 kaj 1960 ene de teamo de Hungario. Ĉampiono de mondo en individua konkurso en 1935, 1951 kaj 1955, monda ĉampiono de 1931, 1933, , 1934, 1935, 1937, 1951, 1953, 1954, 1955, 1957 kaj 1958 en teama konkurso. Kavaliro de Arĝenta Olimpia Ordeno (1988). Membro de la Hungara Olimpia Komitato ekde 1989. Aladár Gerevich estas la plej titolita olimpia skermisto en la historio.
| Aladár Gerevich | |
|---|---|
| Dosiero:Аладар Геревич.jpg | |
| Persona informo | |
| Naskiĝo | 1910.03.16 en Jaszbereny |
| Morto | 27-an de aprilo 1991 en Budapeŝto |
| Tombo | Tombejo Farkasrét |
| Loĝloko | Jászberény |
| Ŝtataneco | Hungario |
Memorigilo 
| |
| Familio | |
| Edz(in)o | Erna Bogen |
| Infanoj | Pál Gerevich • György Gerevich |
| Parencoj | Tibor Gerevich |
| Okupo | |
| Okupo | skermanto |
| Konata kiel | sportisto, skermisto |
Biografio
Unuafoje partoprenante en Olimpikoj en aĝo de 22 jaroj en 1932, Gerevich tuj konkeris oran medalon ene la taemo de hungaraj sabristoj. En sekvantaj Olimpikoj Gerevich konkeris rajton elpaŝi en teamoj de sabristoj kaj rapiristoj. Li ripetis la sukceson en la teamo de sabristoj kaj okupis la 3-an poston en la individua konkurso. La hungara teamo konkeris oran medalon precipe danke al sia gvidanto. Gerevich venkis 17 batalojn el 19.
En la sekvantaj Olimpikoj en Londono, kiuj okazis pro la mondmilito nur post 12 jaroj, la 38-jaraĝa sportisto konkeris oron en ambaŭ - individua kaj teama – konkursoj. Li malvenkis nur unu batalon. En 1952 Gerevich aldonis al sia kolektaĵo oron kaj arĝenton kaj la hungaraj sabristoj konkeris ĉiujn olimpiajn medalojn. La Olimpikoj de 1956, kiuj aperiĝis nedelonge post la armita ribelo en Hungario, estis malfacila elprovo por hungaraj sportistoj. Tamen la teamo de sabristoj kun Aladár Gerevich refoje konkeris oron. Multaj sportistoj restis en eksterlando, sed Gerevich revenis en la patrujon post la Olimpiaj Ludoj. La sportisto finis sian karieron en aĝo de 50 jaroj je Ludoj de 1960. Malgraŭ la voĉoj de skeptikuloj pri grandaĝo de la sportisto li denove portis la teamon al ora medalo.
Al la oro de Olimpikoj Gerevich aldonis ankaŭ 6 teamajn kaj 3 individuajn medalojn de mondĉampiono.
Aladár Gerevich sukcese elpaŝis ankaŭ kiel rapiristo venkante 7-foje la ĉampionkonkursoj de Hungario.
Post la sporta kariero Gerevich agis kiel trejnisto.
Memorigo
Nuntempe en Budapeŝto okazas ĉiujara konkurso je memoro de Aladár Gerevich, Pál Kovács kaj Rudolf Kárpáti, kiuj konkeris por Hungario 19 orajn olimpiajn medalojn.
Familio
La bopatro de Gerevich Albert Bogen (poste Albert Bógathy) estis arĝenta medalulo de Olimpiaj Ludoj en 1912 kiel sabristo en teama konkurso. La edzino de Aladár Erna Bogen-Bógathy fariĝis en 1932 bronza medalulino de Olimpiaj Ludoj kiel individua rapiristino. La filo Pál Gerevich konkeris olimpiajn bronzajn medalojn kiel rapiristo-teamano en 1972 kaj 1980. Poste fariĝis trejnisto, kiel la patro. Alia filo György fariĝis konata trejnisto.