Stockholms län: Malsamoj inter versioj

'''Stockholms län''', la provinco de Stokholmo, estas unu el la 20 [[modernaj provincoj de Svedio|modernaj provincoj]] de [[Svedio]]. Ĝia areo limas al tiu de la du najbaraj modernaj provincoj [[Uppsala län]] kaj [[Södermanlands län]]. La moderna provinco ampleksas partojn de la [[historiaj provincoj de Svedio|historia provinco]] [[Uplando]] kaj [[Sodermanlando]]. Okcidente la provincon limigas la lago [[Mälaren]], oriente la [[Balta Maro]]. Administra centro de la provinco estas la urbo [[Stokholmo]], kaj al la teritorio apartenas ankaŭ pluraj [[antaŭurbo]]j de la svedia ĉefurbo, inter alie [[Solna]] norde, [[Ekerö]] okcidente kaj [[Huddinge]] sude de ĝi. Laŭ la stato de la 1-a de januaro 2008, la provinco kovras areon de 6.519 kvadrataj kilometroj, kaj la [[31-an de marto]] [[2011]] en ĝi vivis 2.063.945 loĝantoj. La provinco konsistas el 26 komunumoj kaj proksimume du trionoj el la provincanoj vivas en la sveda ĉefurbo Stokholmo mem - la resta triono en la ĉirkaŭaj 25 komunumoj.