Kuronoj: Malsamoj inter versioj

 

La kuronoj siaepoke estis konataj fortaj batalistoj, talendaj velistoj kaj piratoj. Inter la 7-a kaj 12-a jarcentoj la kuronoj batalis kontraŭ la ripete atakantaj [[vikingo]]j. Ĉapitro 46 de la ''Sagao de Egil'' priskribas vikingan ekspedicion el Kuronio. La svedaj reĝoj ''Ivar Vidfamne'' kaj ''Harald Hildetand'' estis la unuaj, kies armeoj sukcesis venki la kuronojn kaj do la lando dumtempe iĝis sveda - tamen la kuronoj tuj post la morto de ''Hildetand'' denove atingis sendependecon. Pli postaj atakoj de la mezepokaj reĝlandoj Danio kaj Svedio en Kuronio restis sensukcesaj. Aliflanke la kuronoj mem partoprenis en la atako al la tiam plej grava sveda urbo [[Sigtuna]] dum la jaro 1187.

 

Komence de la 15-a jarcento kuronoj, nun plejparte latve parolantaj, ekloĝis en la regionoj de [[Klaipėda]] kaj la [[kurona duoninsulo]], kiuj perdis litovajn enloĝantojn pro la adaj militoj inter la [[ordeno de germanaj kavaliroj]] kaj la litova regno. La patraj prauloj de la germana filozofo [[Immanuel Kant]], kiu vivis en ''Königsberg'' (la hodiaŭa [[Kaliningrado]]) iom sude de la kurona duoninsulo, estis tiaj kuronaj latvoj, kiuj dum la 15-a jarcento ekloĝis en la regiono de [[Klaipėda]].

 

[[de:Kuren]]