Klaus Püschel
Klaus Püschel (naskiĝis la 18-an de marto 1952 en Grammendorf, Meklenburgo-Antaŭpomerio) estas germana profesoro pri jur- aŭ krimmedicino. De 1991 ĝis 2020, Püschel estis estro de la Instituto pri jurmedicino ĉe la Universitato Medicina Centro Hamburgo-Eppendorf, la klinikaro de la hamburga universitato.
| Klaus Püschel | |
|---|---|
| |
| Persona informo | |
| Naskiĝo | 18-an de marto 1952 (72-jaraĝa) en Grammendorf |
| Lingvoj | germana |
| Ŝtataneco | Germanio |
| Okupo | |
| Okupo | kuracisto • jurmedicina patologo • universitata instruisto |
COVIM-19-pandemio redakti
Dum la kronvirusa pandemio de 2019 (COVIM-19-pandemio), Püschel diris la 7-an de aprilo 2020, ke la tutmonda socia timo pri la viruso estas troigita: En Hamburgo je tiu tempo eĉ ne unu persono ne antaŭe malsana mortis pro la viruso. La 9-an de aprilo 2020, en televida intervjuo de la dua nacia kanalo ZDF, li kritikis la originalan rekomendon de la nacia epidemiologia instituto Robert Koch eviti respektive malpermesi sekcon de paciento mortinta kun COVID-19, aŭ, se necese, minimumigi ĝin. Li ripetis, ke laŭ lia scio ĝis nun "ĉefe malsanuloj kaj homoj kun malfortigita imunsistemo" mortis, kaj ke laŭ li kaj medicinoj kolegoj la celo de sekco ĉiam estas ekhavi sciojn pri malsanoj, utilaj por la vivantaj pacientoj. Antaŭ la 27-a de majo, li mem sekce ekzamenis pli ol 200 forpasintajn COVID-19-pacientojn.
Laborgrupoj gviditaj de Klaus Püschel kaj Stefan Kluge sukcesis detekti plurajn venajn trombozojn kaj mortigajn pulmajn emboliojn ĉe forpasintaj COVIM-19-pacientoj per dissekcoj. El tio rezultis, ke ne temas pri virus-rilata pulminflamo kaj la rezulta interrompo de gasinterŝanĝo, sed korinsuficienco pro la vasta obstrukco de la pulma cirkulado per pulmaj embolioj, kiu kaŭzas grandan proporcion de mortoj. Oni diras, ke la korona viruso aktivigas la koagulan sistemon en sangaj vaskuloj, alkroĉante ĝin al la endotelio en multaj organoj. Kunordigita, trombozo-profilakso heparino kun malalta molekula pezo en eventuale pli alta dozo ol en kompareblaj aliaj pulmomalsanoj estu tial grava aldono al la terapia aliro. Tiu rekomendo tuj ekaplikiĝis en la stacioj de intensa medicino en Germanio kaj supozeble tre helpis redukti la mortojn pri SARS-CoV-2.
