Sunjang baduk
Sunjang baduk aŭ laŭprononce Sunĝang baduk (koree 순장 바둑) estas variaĵo de la ludo Goo (konata kiel baduk en la korea) ludata en Koreio kiu datiĝas de la 16-a jarcento. Ĝi fariĝis malplikonata en la 1950-aj jaroj, kiam ĝi estis plejparte anstataŭigita per moderna Goo pro japana influo. Ekzistas ĉirkaŭ 45 pluvivaj ludpriskriboj de Sunjang baduk, plejparte el la 1880-aj jaroj. La plej malnova konata priskribo de ludo estis publikigita en la korea gazeto Ĉosun Ilbo (조선일보; Hanĝa 朝鮮日報) en marto 1937, kvankam la ludo estis ludita multe pli frue. Sunjang baduk estas ludita sur tabulo de 19x19 linioj kun 17 markitaj punktoj, kiuj estas uzataj kiel indikiloj. La unuaj 16 ŝtonoj estas metitaj en antaŭpostenan ŝablonon sur la markitaj punktoj kaj nigraj devas fari sian unuan movon sur la centra punkto sur la tabulo, nomata Tengen. Pro la preskribita naturo de la malfermo, ludoj tendencas esti agresemaj, kio kondukas al furioza meza ludado.
| Sunjang baduk | ||
|---|---|---|
|
| ||
| varianto de goo | ||
