Sporozoito

Sporozoito estas etapo de la vivociklo de parazito protozoa dum kiu tiu povas infekti novajn gastigantojn. La sporozoitoj formiĝas per sporogonio, kiu estas la multobla divido de sporo aŭ zigoto, el kiuj ĉiu fragmento okazigas po unu sporozoiton. Tio estas karaktero de multaj apikompleksoj.

Ĝenerala vivociklo de apikomplekso: 1-zigoto, 2-sporozoitoj, 3-merozoitoj, 4-gametocitoj.

Por ekzemplo, en la malario (Plasmodium), la sporozoito estas la fazo en kiu la parazito pasas de la moskito al la homo. La sporozoitoj disvolviĝas en la salivaj glandoj de la moskito, pasas al la homo dum la pikado de la moskito kaj parazitas la hepatocitojn (ĉeloj de la hepato).