Srilanka strigeto

La Srilanka strigeto (Otus thilohoffmanni) estas malofta eta strigo, tio estas birdospecio parto de pli granda grupo de noktaj rabobirdoj konataj kiel Strigedoj, kiuj enhavas plej parton de la specioj nomataj strigoj. La alia grupo estas la turstrigoj, nome Titonedoj.

Kiel legi la taksonomion Srilanka strigeto
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Strigoformaj Strigiformes Familio: Strigedoj Strigidae Genro: Otus Specio: O. thilohoffmanni
Dunomo
Otus thilohoffmanni (Warakagoda & Rasmussen, 2004)
Konserva statuso
Konserva statuso: En danĝero
Aliaj Vikimediaj projektoj

Disvastiĝo kaj ĵusmalkovro

Ĝi estas la pli ĵus malkovrita birdo de Srilanko. Ĝi estis originale lokita pro ties nekutima voĉo puu-uu en pluvarbaroj de Kitulgala de elstara srilanka ornitologo Deepal Warakagoda. Post ses jaroj, ĝi estis finfine vidata de li la 23an januaro 2001 en Sinharaja, kaj oficiale priskribita kiel specio nova por la scienco en 2004 (Warakagoda & Rasmussen 2004). Krom Sinharaja kaj Kitulgala, ĝi estis trovataj ankaŭ ĉe Ranakanda Rezervejo en Morapitiya kaj en Eratna Gilimale.

Ĝi estis la unua nova birdo malkovrita en Srilanko ekde 1868, kiam estis malkovrita la Srilanka (aŭ Cejlona tiam) Fajfturdo Myophonus blighi. Ĝi estas ankaŭ la 24a (laŭ aliaj fakuloj la 27-a) endemismo inter la birdospecioj de Srilanko.

Kutimoj

Tiu malofta specio loĝas la pluvarbaroj de la sudokcidenta parto de Srilanko. Kiel plej parto de strigoj, ĝi estas noktema kaj ĉasas insektojn (ekz. skaraboj kaj noktopapilioj) ĉe la grundo. Ili ekalvokas krepuske, kaj la frekvenco denove altiĝas du horojn antaŭ mateniĝo.

Aspekto

Malkiel la aliaj du specioj de malgrandaj orelstrigoj de Srilanko, la Hindia orelstrigo Otus bakkamoena kaj la Orienta orelstrigo Otus sunia, tiu ĉi ne havas oreltufojn kaj la vizaĝa disko estas nur iome difinita. La ĝenerala koloro de tiu 16.5 cm longa mallongvosta strigeto estas ruĝecbruna kun pli palaj subaj partoj, punktita je nigro. La iriso estas flava kaj la piedoj kaj krifoj estas blankaj.

Referencoj

• BirdLife International (2006). Otus thilohoffmanni. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11 Majo 2006. Endanĝerita
• Warakagoda, Deepal H. & Rasmussen, Pamela C. (2004): A new species of scops-owl from Sri Lanka. Bull. B. O. C. 124(2): 85-105. PDF plena teksto Arkivigite je 2014-02-07 per la retarkivo Wayback Machine

Eksteraj ligiloj

• Fotoj Arkivigite je 2016-05-05 per la retarkivo Wayback Machine