Strato Faubourg-Saint-Antoine
La strato Faubourg-Saint-Antoine (franclingve Rue du Faubourg-Saint-Antoine), aŭ pli simple Faubourg Saint-Antoine, estas strato kaj kvartalo de Parizo lokita je la limo inter la 11-a kaj la 12-a arondismentoj de la franca ĉefurbo, oriente de la placo Bastille.
 11-a/12-a Arond. Strato Faubourg-Saint-Antoine
    | ||||
|---|---|---|---|---|
 | ||||
| Situo | ||||
| Arondismento(j) | 11-a kaj 12-a | |||
| Kvartalo(j) | Roquette / Sainte-Marguerite / Quinze-Vingts / Picpus | |||
| Eko | Placo Bastille | |||
| Fino | Placo Nation | |||
| Morfologio | ||||
| Longeco | 1810 m | |||
| Larĝeco | De 17 al 30 m | |||
| Historio | ||||
| Eksnomo(j) | Chaussée Saint-Antoine | |||
| ||||
Ĝi estas unu el la plej malnovaj aksoj de Parizo. La nomo de la strato devenas de la eksa abatejo Saint-Antoine-des-Champs, detruita je la fino de la 18-a jarcento. Okaze de la franca revolucio de 1789, la loĝantoj de Faubourg Saint-Antoine viciĝis inter la plej fruaj rebeluloj.
Tiu populara strato restas ĝis hodiaŭ famkonata pro siaj altkvalitaj, manfaritaj mebloj kaj pro siaj metiistoj.
Oni ne devas konfuzi la straton Faubourg-Saint-Antoine kun la strato Saint-Antoine, kiu alvenas al la placo Bastille el la centro de Parizo.