Svahillingva Vikipedio
publikigita versio estis patrolita je 25 dec. 2021. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 25 dec. 2021.
La svahillingva Vikipedio aŭ pli koncize svahila Vikipedio estas aŭtonomeca eldono de Vikipedio en la svahila lingvo. Sialingve ĝi havas la titolon Wikipedia ya Kiswahili. La projekto komenciĝis en aprilo 2003.[1] Ĝi estas la unua kaj nuntempe unu el nur kvar lingvaj eldonoj de Vikipedio en Niĝer-kongaj lingvoj kun pli ol 1000 artikoloj. Temas pri la dua plej granda lingva eldono de Vikipedio en Niĝer-konga lingvo, post la joruba Vikipedio.
| Svahillingva Vikipedio | |
|---|---|
 | |
| Retadreso | sw.wikipedia.org |
| Kategorio | Vikipedio (libera reta enciklopedio) |
| Lingvo | svahila |
| Posedanto | Fondaĵo Vikimedio |
| Statistikoj | |
| je la 16-a de aprilo 2024 | |
| Artikolnombro | 79 879 |
| Profundeco | 10.4 |
| Paĝoj | 172 799 |
| Redaktoj | 1 326 401 |
| Uzantoj | 66 535 |
| Aktivaj uzantoj | 128 |
| Administrantoj | 17 |
| Dosieroj | 2 290 |
La projekto estis menciita la 27-an de aŭgusto 2006 en artikoloj de la periodaĵoj International Herald Tribune kaj New York Newsday pri la luktoj de malgrandaj lingvoeldonoj de Vikipedio.[2] En 2009, Google finance subtenis la kreadon de artikoloj en la svahila Vikipedio. [3] La 20-an de junio 2009, la svahillingva Vikipedio fundamente novigis la aspekton de sia ĉefpaĝo. La 16-an de aprilo 2024 ĝi enhavas 79 879 artikolojn. Interesa detalo estas, ke en la komenca fazo de la projekto laŭ vikipediaj statistikoj dufoje la artikolo "Esperanto" estis tiu prilaborita de plej granda nombro da redaktantoj po monato, nome en decembro 2003 kaj en junio 2004.[1]
Vidu ankaŭ redakti
Referencoj redakti
- ↑ 1,0 1,1 statistikaj informoj pri la svahillingva vikipedio de Erik Zachte esperante, parte angle
- ↑ Building Wikipedia in African languages, "Konstruante Vikipedion en afrikaj lingvoj", de Noam Cohen, International Herald Tribune, la 27-an de aŭgusto 2006.
- ↑ Kiswahili Wikipedia Challenge, "Defio Svahillingva Vikipedio", patronita de Google. Arkivita el la originalo je 2012-05-24. Alirita 2019-06-26.
