Tabasaranoj
Tabasaranoj estas indiĝena etno en Dagestano, unu el la plej signifaj etnaj grupoj de tiu nord-kaŭkazia respubliko de Rusio. En Rusio estas ĉirkaŭ 200 mil tabasaranoj (2010).
| Tabasaranoj | |
|---|---|
| etno | |
| Ŝtatoj kun signifa populacio | |
Tabasaranoj parolas en la tabasara lingvo. Ofte ili ankaŭ povas uzi la lingvon "Turki", la lezgan kaj la rusan lingvojn.
Historie tabasaranoj iam estis tre influa etno de la regiono. Antikva armena historiisto Egiŝe mencias, ke tabasaranoj povas formi kvarcentmilan armeon. Modernaj tabasaranoj havas sian etnan distrikton kadre de Dagestano; en la distrikto loĝas ĉirkaŭ 50 mil reprezentantoj de la etno.
Kredantaj tabasaranoj estas muslimoj. Laŭ kulturo kaj la maniero de sia ĉiutaga vivo ili similas lezgojn. En la loko de sia tradicia loĝado ili okupiĝas pri ŝafobredado, kreskigo de vinberoj kaj cetera agrikultura laboro. Tabasaranaj metiistoj estas konataj pro la tapiŝoj, produktataj de ili.
Tabasaranoj en regionoj de la Rusia Federacio
redakti| Subjekto de RF | Kvanto en 2002, miloj (*) |
|---|---|
| Dagestano | 120 |
| Stavropola regiono | 7 |
| Rostova provinco | 2,2 |
| Krasnodara regiono | 1,3 |
| Saratova provinco | 1,3 |
| estas montritaj nur la regionoj, kie estas pli ol mil tabasaranoj |
Eksteraj ligiloj
redakti- Oficiala paĝaro de la Tabasarana distrikto de Dagestano, arkivigite en januaro 2011 (ruse)
- Tabasarana informa portalo, arkivigite en marto 2008 (ruse)
