Taproot Theatre Company
Teatro Taproot — angle, Taproot Theatre Company — estas kristana profesia teatra kompanio sen profita celo. Ĝi prezentas teatraĵojn sur la scenejo de sia teatro en la kvartalo Greenwood en Seatlo. Ĝin fondis en 1976 ses amikoj, studentoj ĉe Seattle Pacific College (nun Seattle Pacific University), komence kiel rondiranta teatro, prezentante en lernejoj kaj aliaj lokoj.[1] Ekde 1996 ĝi konstante prezentas siajn teatraĵojn (kvinopon ĉiujare) en konstruaĵo, kiu estis antaŭe kinoteatro. En 2009 la apuda konstruaĵo, kiun la teatro posedis, forbrulis en krima incendio, kiu ankaŭ la teatron difektis. Tamen, la teatro sukcesis rapidigi la rekonstruadon kaj ne devis prokrasti siajn prezentadojn.[2] La teatro servas pli ol 150 mil homojn ĉiujare per teatraĵoj kaj edukaj programoj,[3] strebante krei teatrajn spertojn por ilumini la spiriton, engaĝi la menson, kaj profundigi la komprenon pri la mondo ĉirkaŭ ni, dume inspirante imagipovon, konversaciadon, kaj esperon, ekzemple per teatraĵo por infanoj pri la problemo de ĉikanado.[4]
| Taproot Theatre Company | ||
|---|---|---|
| ||
| teatra ensemblo teatrejo kinejo 
| ||
| Geografia situo | 47° 41′ 26″ N, 122° 21′ 22″ U (mapo)47.6906-122.356Koordinatoj: 47° 41′ 26″ N, 122° 21′ 22″ U (mapo) | |
| Lando(j) | Usono vd | |
| Situo | Seatlo | |
| Adreso | 204 N. 85th Street, Seattle, WA 98103 | |
| ||
 Taproot Theatre Company | ||
| Retejo | Oficiala retejo | |
Fontoj
redaktiLa artikolo estas parte bazita sur la responda artikolo en la angla Vikipedio, kaj sur
- ↑ Seattle's Taproot Theatre Company Turns 40 ĉe WhereTraveler.com, 2016-01-22
- ↑ Taproot Recovers and Regroups after October Arson Arkivigite je 2016-02-20 per la retarkivo Wayback Machine ĉe Phinneywood.com, 2010-01-27
- ↑ Twelve Cascadian Arts and Faith Organizations to Know About ĉe christandcascadia.com
- ↑ BEHIND THE CURTAIN | Theater springs to life for kids in Seattle Arkivigite je 2016-03-05 per la retarkivo Wayback Machine ĉe citylivingseattle.com