The Blade of Blackpoole
The Blade of Blackpoole (esperante La Klingo de Blackpoole) estas aventura videoludo verkita de Tim Wilson por Apple II kaj eldonita en 1982 fare de Sirius Software.[1] Ĝi estis sekve adaptita por 8-bitaj Atari-komputiloj, Commodore 64, FM-7, PC-88 kaj PC-98.
| The Blade of Blackpoole | |
|---|---|
|
| |
| Disvolvo | Tim Wilson |
| Eldoninto | Sirius Software |
| Dato de lanĉo | 1982 |
| Platformo | Apple II, 8-bitaj Atari-komputiloj, Commodore 64, FM-7, PC-88, PC-98 |
| Ĝenro | Aventura videoludo |
Ludomaniero
redaktiThe Blade of Blackpoole estas ilustrita teksta aventurludo kun mezepoka fantasta temo. Komencante kun nur poŝpleno da ormoneroj, la tasko de la ludanto estas retrovi la magian glavon Myraglym, laste viditan proksime de la lago ĉe Blackpoole[2]. Survoje al la celo, troviĝos vastaj arbaroj, danĝeraj marĉoj, granda labirinto kaj altaj klifoj. Malamikaj estaĵoj abundas, inkluzive de parolanta karnovora planto, agresema lacertulo kaj malsata akvobesto. Kelkaj helpemaj roluloj ankaŭ troviĝas en la areo.
La ludo konsistas el ĉirkaŭ 60 lokoj, ĉiu kun sia propra bildo. Multaj el la roluloj en la ludo prezentos enigmojn, kies solvo donas indikon pri tio, kion ili postulas por helpi la ludanton. La analizilo komprenas kompleksajn komandojn (t.e. ne nur verbo+substantivo). Ekzistas limigo pri la inventaro, devigante la ludanton pripensi, kiujn objektojn preni kaj kiujn lasi aŭ forĵeti kiam ili ne plu necesas. La ludo spuras la poentaron ĝis maksimumo de 500 poentoj. Komando HELP disponeblas, kiu donas pli-malpli subtilajn sugestojn pri la aktuala situacio. Ĝis dek malsamaj ludoj povas esti savitaj sur disko.
Recenzo
redaktiComputer Gaming World recenzis la ludon kaj deklaris, ke "perfekta poentaro estas 500, kaj via poentaro estas montrita kiel proporcio de ĉi tiu 500. Ju malpli da movoj necesas por kompletigi la serĉadon, des pli alta estos la poentaro. Tio multe kontribuas al la luddaŭro." [2]
Aliaj recenzoj inkludas :
- Electronic Fun with Computers & Games - Septembro 1983[3]
- Computer and Video Games - Julio 1983[4]
Referencoj
redakti- ↑ The Giant List of Classic Game Programmers.
- ↑ 2,0 2,1 "Micro-Reviews". Computer Gaming World. Vol. 1, no. 10. May–Jun 1983. pp. 41, 44.
- ↑ Electronic Fun with Computer & Games - Vol 01 No 11 (1983-09)(Fun & Games Publishing)(US) (September 1983).
- ↑ CVG Magazine Issue 021 (July 1983).