Tornavacas

Tornavacas (Bovopasejo) estas municipo de Hispanio, en la provinco de Cáceres, regiono de Ekstremaduro.

Tornavacas
municipo en Hispanio • urbeto
Flago	Blazono
Administrado
Lando	Hispanio
Regiono	Ekstremaduro
Provinco	Cáceres
Poŝtkodo	10611
Retpaĝaro	Oficiala retejo
Politiko
Urbestro	Jose Franco González González (PP-Extremadura Unida)
Demografio
Loĝantaro	1 181  (2009)
Loĝdenso	13 loĝ./km²
Geografio
Geografia situo	40° 15′ N, 5° 41′ U (mapo)40.2556866-5.6885137 [+]
Alto	871 m [+]
Areo	76,6 km² (7 660 ha) [+]
Horzono	UTC+01:00 [+]
Tornavacas (Ekstremaduro) DEC Tornavacas Situo de la komunumo en Ekstremaduro
Tornavacas (Hispanio) DEC Tornavacas Situo de la komunumo en Hispanio
Alia projekto
Vikimedia Komunejo Tornavacas [+]

Valo de Jerte vidata el la sudo, fone estas la vertico de la Montopasejo de Tornavacas kaj sub ĝi la eta blankaĵo de la vilaĝo.

Loĝantoj

La loĝantoj nomiĝas Tornavaqueños. La censita populacio en 2009 estis de 1 181 loĝantoj.

Situo

Tornavacas estas situa en la norda parto de Ekstremaduro en la plej norda parto de la komarko aŭ distrikto Valo de Jerte, je altitudo de 871 m. La municipo de Tornavacas troviĝas ĉe la Montopasejo de Tornavacas, en la komenco de la Valo de Jerte. Ĉe la Sierra de Tormantos, en la okcidenta pinto de la Sierra de Gredos, en la provinco de Cáceres, ĉe la limopj kun la provinco de Ávila kaj la provinco de Salamanca.

Ekonomio

Agrikulturo (ĉerizoj) kaj brutobredado: tradicie estis trapasejo de la enormaj gregaroj kiuj ĉiujare elmigris el Kastilio al Ekstremaduro kaj reen, kaj de tio devenas la nomo kaj pro tio aperas bovoj en la blazono (kvankam estas legendo pri epizodo de la 10-a jarcento kie la kristanoj uzis bovojn kun fajro inter la kornoj por malkuraĝigi la venkotajn arabojn). Lastatempe gravas ankaŭ la turismo.